Boere berei voor vir oorlog!

“Dit wil voorkom asof boere geen ander keuse het nie as om hulleself te moet voorberei vir oorlog.” So sê TLU SA se Adjunk-President en Voorsitter van die Veiligheidskomitee, mnr. Henry Geldenhuys.

Mnr. Geldenhuys het gereageer op die moord op die 77-jarige mnr. Johan van Rensburg van die Baltimore-omgewing. “Hierdie moord kom skaars ’n dag nadat die ANC Jeugliga se adjunk-president, Ronald Lamola, in Durban gesê het dat Suid-Afrikaners in ’n illusie leef dat hulle hul grond vreedsaam sal terugkry. ‘Ons het ’n gebeure so kragdadig as ’n oorlog nodig om die land weer in besit van Afrikane te kry’, het Lamola volgens berigte gesê.”

Mnr. Geldenhuys het die moord op mnr. Van Rensburg in verband gebring met Lamola se uitsprake, nadat dit blyk dat hoofsaaklik wapens vermis is. “Waarvoor word wapens gesteel anders as om daarmee nog meer moorde te pleeg? Lamola skep die ideale atmosfeer vir radikale en roekelose jeugdiges om sy uitlatings letterlik op te neem. Boere kan hierdie uitsprake nie langer ignoreer nie en sal ter wille van oorlewing en behoud van hulle grond, insgelyks moet voorberei en organiseer vir die ergste moontlike scenario,” sê mnr. Geldenhuys.

Wyle mnr. Van Rensburg was lid van TLU SA en jare lank by die organisasie betrokke. Sy vrou, Gloudina, is drie keer in die bors raakgeskiet en sy is tans in ’n stabiele toestand in ’n hospitaal in Pietersburg. Hulle is vanoggend omstreeks 04:00 in hulle huis oorval. Dit is nie seker hoeveel terroriste betrokke is nie maar vier spore word tans opgevolg deur lede van die gemeenskap en die polisie, terwyl ’n polisie helikopter asook ’n private helikopter ingespan word om moontlike verdagtes aan te keer.

Mnr. Geldenhuys het namens TLU SA sy meegevoel met mnr. Van Rensburg se familie uitgespreek en mev. Van Rensburg spoedige herstel toegewens. Hy het ook sy waardering uitgespreek teenoor die gemeenskap en die polisie wat flink op die spoor van die moordenaars is. “Indien hulle gevang word moet daar geen genade met hulle betoon word nie, met inagneming van die wetlike voorskrifte,” sê mnr. Geldenhuys.

Ons kommentaar:  Na die ANC-Jeugliga se onlangse dreigemente dat hulle nou lank genoeg gewag het, en gereed is om boere se plase en welaf stedelinge se huise te beset, het blanke organisasies ewe hard teruggekap en gewaarsku dat hulle dit nie sal duld nie – hulle sal veg vir wat aan hulle behoort. Onder hulle is AfriForum Jeug (AFJ), TLU SA, VF Plus Jeug en die HNP.

Maar verlede naweek (16/17 Junie) het die ANCJL-voorbok en woordvoerder, Magdalene Moonsamy, die blankes openlik uitgedaag: “Julle het nou lank genoeg alleen voordeel getrek uit die rykdom van die land – nou is dit die swarte se beurt. Ons stry weer soos in 1976 vir ‘n politieke skuif. Ons wil baie vinnig Seksie 25 van die Konstitusie verander omdat dit net die wittes se rykdomme beskerm. Daarna plaas ons die land in die hande van die inheemse volke – met geweld, as dit nodig is. Natuurlik sonder vergoeding! En ons sal dadelik ook die myne nasioinaliseer. Dis ons taak om dit vir die opkomende geslagte te doen!”

In ‘n onderhoud later met die buitelandse media het sy Afrikaner-organisasies se dreigemente van “oorlog” snedig afgelag. “My oom het my vertel dat die wit Afrikaners en AWB’s al vóór 1976 gedreig het met oorlog, want hulle sal nie toelaat dat daar gemengde sport kom nie, dat apartheid nooit afgeskaf sal word nie, dat woonbuurtes wit sal bly, so ook hulle skole en hulle kerke. Ons het dit alles reggekry, en wat het die wittes gedoen? Niks nie!  Op vergaderings is ons ook gewaarsku dat as nog net één Boer sterf, is daar oorlog – duisende is al dood. Hulle doen niks, want hulle is bang vir ons. En kyk maar, dit sal weer gebeur as ons die grond en myne vat. Die revolusie gaan nou bergin…”

Die Minister van Water Hulpbronne, Sunil Tatkare, het Moonsamy hierin gesteun. Sy was al vantevore in die moeilikheid oor haar blatante steun vir grondonteiening.

Wie van ons kan nog sy hand voor sy oë sien?

SIENER VAN RENSBURG

Lorem ipsum dolor sit amet consectetur adipiscing elit dolor

RAAD VIR KWALE

Vir slegs R120

Die verborge boeke van Eden
Openbaringe van Paulus & Petrus
Die Boek van die Opregte

R370

R470