Dit sal vinnig gebeur

Met hierdie artikel wil ons probeer om aan u sover moontlik ‘n volledige profetiese prentjie te skets van die uitstaande voorspellings wat in die nabye toekoms nog vir ons voorlê. Om dit te kon doen, was dit nodig om professieë waaroor daar hier al dikwels geskryf is, weer aan te haal, want dis eers dan dat die verloop van gebeurtenisse, hetsy in die verlede of die toekoms, nie net nuwe betekenis kry nie, maar ook sinvol in plek val.

Dit wil voorkom of baie mense die moontlikheid van ‘n swart op wit aanval al hoe meer as ‘n blote hersinskim beskou en weer teruggekeer het na die vleispotte van Egipte. Die ‘doemprofete’ word reeds bespot en uitgelag; want in die groot stede is Mammon jou beste vriend en die klaterende lawaai van sy kasregister, verdoof jou oor vir die Stem wat jou terugroep na die ou paaie.  Maar niemand wil dit nie hoor nie. Ja, ons voorouers het al vir Jeremia toegesnou: “Ons wil daarin nie wandel nie!”

En dan, skielik,  oorval die verderf ons!

In Engele met Ons skryf Martin Linde van ‘n jong seun wat weggeneem is in die hemel en daar het hy met Christus gepraat. Hy sou die dag voor sy 44ste verjaarsdag alles onthou wat vir hom in die hemel gesê is, en 29 jaar later het hy toe ook alles onthou. Een ding wat Christus vir hom gesê het, was dat teen die helfte van ‘n jaar (moontlik 2014, moontlik nie) alles op aarde drasties sou verander en dit sal nooit weer dieselfde wees nie. Hy het ook gesê dit sou heeltemal onverwags gebeur.

Ons eie profete het min of meer dieselfde gesê, maar nie tyd daaraan gekoppel nie.

Siener: “Dán sal daar (wanneer die staking begin) groot moeilikheid wees met die kaffers. Behalwe ook vir die groot moeilikhede oorsee (rasse-konflik en ‘n burgeroorlog in Rusland). In verband met die kaffermoeilikheid het ek gesien die vroue vlug. Hul het nie eens tyd om hul deure en vensters toe te maak nie. Die gordyne waai buite…” Die situasie in die Oos-Kaap sal só versleg dat die blankes daar inderhaas uit die stede (Port Elizabeth en Oos-Londen) gaan padgee.

Op ‘n ander plek sê hy, hy sien hoe almal wat deel gehad het aan die oorgawe (van 1994,en dit maak nie saak of hy hom daarvoor beywer het en of hy dit net in sy hart goedgekeur het nie), sal deur die Gees van Verskrikking beetgepak word wat hy vantevore oor die Boer se vyand sien kom het. Hy sien hoe hierdie mense, veral die vroue, baie skielik uit hul huise vlug en nie eens tyd het om die deure of vensters toe te maak nie, want terwyl hulle so vreesbevange op die vlug slaan, staan hul deure oop en sien hy die gordyne voor die vensters na buite waai. Maar vir diégene wat vooraf geweet het die hervorming gaan net skade en skande bring, sal daar geen verskrikking wees nie, want hulle verlossing is op hande. Hierdie donker tydperk sal ook die begin van die Derde Wêreldoorlog inlui.

Met die opstande in die Oekraïne lyk die Derde Wêreldoorlog nie meer so vergesog nie. Siener het gesê die oorlog sal begin oor ‘n dispuut oor grond en ‘n burgeroorlog wat sal daarop volg.

Soos in die verlede dink Amerika dat sy voortbestaan en welvaart net gered kan word deur ‘n wêreldoorlog. Met die inval in Irak op 20 Maart 2003 het hy presies dit probeer regkry, maar sonder sukses.

Daardie oggend om nege-uur het pres. George W. Bush aan die Irakiërs belowe: “U verdien beter as tirannie, korrupsie en martelkamers, u verdien om in vryheid te lewe. En ek verseker iedere burger van Irak: u land sal binnekort vrvry wees.”

Dieselfde beloftes is aan die Libiërs en Afganistanners gemaak.

Uiteindelik lyk dit egter of Amerika, onder Siener se “swart touleiertjie”, daardie doel in die Oekraïne gaan verwesenlik. Dis opmerklik dat Siener na Barak Obama verwys het as ‘n “touleiertjie” ― m.a.w. ‘n klein en onbenullige skepsel. En in die oë van die wêreld is Obama vandag presies dít. Maar Siener het ook gesê dat die Derde Wêreldoorlog gaan begin oor grondgebied van Rusland. Ons sien nou reeds dat dit so sal verloop. Verder het hy voorspel die oorlog daar oorkant sal al goed op dreef wees wanneer ons dinge hier begin.

In ‘n verstommende verslag vanuit Wladimir Poetin se presidensiële kantoor is daar pas berig dat terwyl hy hom einde verlede maand vier dae lank in die Valaam-klooster op die Ladoga-meer afgesonder het om te vas en te bid, soos sy gewoonte is, hy op 28 April in ‘n visioen gesien het dat Rusland binnekort alleen in ‘n bloedige stryd teen Amerika (wat nou deur sataniese magte beheer word) te staan sal kom, en ook dat hy hom daarvoor moet voorberei.

Die massiewe Russiese kernaanvaloefening wat begin Mei plaasgevind het, was ‘n direkte uitvloeisel van Poetin se visioen. Dit lyk dus of die “Derde Wêreldoorlog” nie meer net praatjies is nie.

Wat Suid-Afrika betref, het Johanna Brandt op haar beurt ook ‘n baie donker tyd vir ons in ‘n visioen beskryf iets wat ons al lankal sien kom.

Die engel het dit só aan haar verduidelik: “Wat mense saai, dit moet hulle ook maai. Hulle het wind gesaai en hulle sal storm maai. In Suid-Afrika, meer as in enige ander land in die wêreld, het hulle die knie gebuig voor die god van goud. Met wraaksug en bittere onversoenbaarheid aan die eenkant en onreg, geweld en hebsug aan die anderkant, is die terrein lankal reeds in ’n honderdduisend harte in Suid-Afrika voorberei vir hierdie storm van vergelding wat aanstons moet kom.”

Verder sê sy ook: “Die uitbreek van die storm was vreemd en heeltemal onverwags. Dit was ’n angswekkende uitbarsting van ongekende woede! En nadat Suid-Afrika verwoes is, het dit weer net so plotseling bedaar. Dit was maar van korte duur ten spyte van die oorweldigende hewigheid daarvan…”

(Die verwoesting wat sy hier beskryf, lyk of dit aansluit by die Bybelse profesie in Luk 21:25-26  “En daar sal tekens wees aan son en maan en sterre, en op die aarde benoudheid van nasies in hulle radeloosheid, wanneer see en branders dreun, en mense se harte beswyk van vrees en verwagting van die dinge wat oor die wêreld kom.”)

Die begin van dit alles het Siener op 4 April 1915 gesien met ‘n doodskis wat in ‘n graf afsak en vure wat daarna uitkom. Presies vyf maande gelede is Mandela begrawe en net daarna het oraloor geweld losgebars en ook die grootste staking in ons geskiedenis (soos hy voorspel het) begin.

Skaars ses weke na Mandela se dood, berig SABC News op 6 Februarie 2014 dat daar op meer as 60 plekke landswyd “gewelddadige betogings” losgebars het. (Of soos Siener sou gesê het: “60 vure het uitgeslaan…” Dit was so erg dat Beeld, in ‘n berig as’t ware die woorde uit Siener se mond gehaal het om die toenemende geweld in die land te beskryf: “Dit is ’n smeulende vuur wat stadig maar seker landwyd versprei. En ál meer opvlam.”

Op 1 Okt. 1917 het Siener gesien — “Van die Oostekant kom ’n vuur en brand Noordwes. Die aarde is swart…Die mieliestronke is by Johannesburg aan brand…Toe kom mense die zelfde richting uit met grawe agter hulle rug.” Die mieliestronke wat brand, is ’n teken van die onluste en bloedvergieting.

Johanna Brandt het ook gesien “Stakings sal dit vooraf gaan, en dit sal so groot wees dat die hele land lamgelê word. Terwyl hierdie staking aan die gang is, organiseer die swartes in die geheim en kom in een nag bymekaar in Johannesburg. Dan gebeur dit vinnig en onverwags — hulle sny die kragverbindings binne en rondom die stad af.”

Hierna, sien sy vaar hulle die Blanke gebiede in en vermoor ons mense voor die voet. Duisende en duisende gaan sterf in daardie ‘Egiptiese nag’ wat oor die Blankes in Johannesburg gaan toesak.

Sy vertel wat sy gesien het: “Dit is skemer in Suid-Afrika! Van alle kante bekruip die stikdonker nag ons en in die komende stryd moet ons omgord wees met die wapenrusting van geregtigheid. Sonder vrees, sonder paniek moet ons die nag tegemoet gaan, elkeen op sy pos waar hy deur God geplaas is. Ja, weldra sal die nag daal in ’n ondeurdringbare duisternis soos ons nog nooit in hierdie land beleef het nie. (Siener het gesê dat dit so donker sal wees dat ons nie ons hand voor ons oë sal sien nie; dit sal nie wees weens die kragonderbrekings nie, maar ‘n geestelike duisternis van ondraaglike benoudheid).

“Die sterkste hart sal sidder as die uitbarsting kom,” gaan Johanna voort. “Ek het alles in die gees gesien, byna beswyk van angs en in een nag grys geword. Hoe sal ons dan behoue bly onder die werklikheid? Daar was een ligstraal oor die toneel. Daar was die uitgestrekte Hand van Goddelike Genade. Sal ons dit nie aangryp nie?”

Die aanvang van ons probleme beskryf sy só: “Klein stakings sal oorgaan in groter stakings; groter stakings sal aanleiding gee tot losbandigheid en brandstigting; brandstigting sal gevolg word deur rewolusie; rewolusie sal verander in Burgeroorlog; Burgeroorlog sal gevolg word deur hongersnood en pestilensies — al hierdie dinge sal gekroon word deur ’n katastrofe wat deur geen menslike woorde beskryf sal kan word nie.”

In verband met die Nagaanval sê Siener dis aand en hy is in Johannesburg waar hy van ‘n woonstel af oor die stad uitkyk. Dis ‘n mooi aand. In die straat speel ‘n kind met sy hond; oorkant die pad sit twee ou mense op ‘n bankie en gesels en iewers hoor hy mense vrolik lag. Dan draai hy om om te gaan slaap. In die nanag skrik hy wakker van geweerskote, mense wat gil en honde wat blaf. Toe weet hy óns emmer bloed het omgeval…

Maar die geweld is nie al nie. Hy voorspel ook ander probleme vir ons. In Johannesburg is daar groot kragonderbrekings sodat die mense koue pap moet eet. Die mense met die grawe oor hulle rug, is die stakers wat groot chaos gaan veroorsaak. Daar sal ook hongersnood wees en geweld vanuit die Oos-Kaap.

Johanna gee later ‘n meer breedvoerige prentjie van wat kom: “Die groot dinge het begin. Ons val nou by tienduisende, maar ons sal nog by honderdduisende afgemaai word. Die Sekel van die Dood gaan oor ons land. Die graanoes is ryp, die druiwetakke hang swaar. Die uur om te maai het aangebreek.” Sedert 1994 het daar reeds 68 000 blankes gesterf in hierdie aanloop na die finale slagting.

Sy vertel: “Die wyse waarop hulle die Blankes vermoor het, is te afgryslik vir woorde. Soos meer as 150 jaar gelede by Bloukrans, het ek gesien hoedat die swartes Blanke babas aan die voete vat en hulle koppies teen die naaste harde voorwerp vergruis. Die gille was ontsettend. Vrouens en kinders, oud en jonk, is voor die voet afgemaai met gewere, assegaaie, knop- kieries, kapmesse of enige soort wapen wat die swartes in die hande kon kry. Mense het probeer vlug, maar is ingehaal, doodgemaak en net so in hulle bloed laat lê. Daar was oral bloed — op die strate, op die sypaadjies, in die huise, woonstelle en winkels.

“Toe die dag breek, het ek gesien hoe die swart hordes in die rigting van Pretoria beweeg. Dit was die teken vir die ander swartes in die land om ook tot die aanval oor te gaan en om in hul eie dorpe die Blankes stelselmatig uit te moor.” Sy het ook gehoor hoe hulle onder mekaar na hierdie dag verwys as Our Great Day.

En dan waarsku sy: “Wanneer al hierdie dinge gebeur, sal die tyd van die einde voor die deur staan en moet julle gereed wees. Slag op slag, verwoesting op verwoesting, dood en droefheid, rou en geweld — daar sal geen tyd tussen in wees om asem te skep nie.” Dit sal alles baie vinnig gebeur en mekaar ook vinnig opvolg.

“’n Kolom van vurige smeekgebede van Suid-Afrika het dag en nag opgerys na die Hemel en dit het die donker wolke van verwoesting opgebreek en verjaag toe hulle op hulle dikste saamgepak was. Verlossing het gekom toe ons dit allermins verwag het.” Sy haal dan aan uit Dan. 12: — “…en dit sal ’n tyd van benoudheid wees soos daar nie gewees het vandat ’n volk bestaan het tot op dié tyd nie.” En ook uit Mat. 24:21— “want dan sal daar groot verdrukking wees soos daar van die begin van die wêreld tot nou toe nie gewees het en ook nooit sal wees nie.”

Volgens Johanna Brandt “…het ons alle rede om te dink dat die laaste slae mekaar met skrikwekkende snelheid sal opvolg. Deur sy eie hewigheid, sal die storm gou uitgewoed wees.”

Byna 100 jaar gelede het sy ook al vir ons die dinge geskets wat die Wederkoms sou voorafgaan: “Die hele aarde sal in ’n toestand van verwoesting en chaos wees. Elke land sal geskud word deur oorlog binne sy grense; deur rewolusies, stakings, opstande, burgeroorloë, siektes, hongersnood en onbekende peste; en dit alles sal gebeur terwyl die elemente hul woede op die aarde sal loslaat…”

(Het sy nie dalk met hierdie “elemente” ‘n gesig gehad van ‘n komeet, asteroid, of een of ander meteoroïed wat moontlik gaan verbykom en verwoesting saai nie? Openbaring 8:10-11 voorspel so ‘n gebeurtenis: “En die derde engel het geblaas, en ‘n groot ster (dalk Nibiru?) wat soos ‘n fakkel brand, het uit die hemel geval, en dit het geval op ‘n derde van die riviere en op die waterfonteine. En die naam van die ster word genoem Alsem; en ‘n derde van die waters het als geword, en baie mense het gesterwe van die water, omdat dit bitter geword het.” Openbaring 16:4  “En die derde engel het sy skaal uitgegooi op die riviere en op die waterfonteine, en dit het bloed geword.”)

Sedert 2012 ontvang ons gereeld berigte en foto’s van oor die hele wêreld van mere, riviere en selfs die see se water wat op onverklaarbare wyse skielik rooi word soos bloed.

Yangtze Rivier in China. Daar is nog onsekerheid oor die redes hoekom die eienaardige verskynsel in 2012 plaasgevind het. Ander rivier sluit in die Jiang asook die Lotzwil in Swede.
Yangtze Rivier in China. Daar is nog onsekerheid oor die redes vir die eienaardige verskynsel in 2012. Ander rivier sluit in die Jiang asook die Lotzwil in Swede.

Ten laaste doen Johanna Brandt ’n ernstige beroep op haar volksgenote: “…laat ons as volk verenig wees in geregtigheid vir die groot dinge wat ook in Suid-Afrika op hande is! Daar is geen belofte van redding op stoflike gebied nie. Ook nie vir die ware gelowiges nie. Die suiweringsproses is onvermydelik, die vlees moet verneder word voordat diegene wat dit sal oorleef, gereinig sal wees om die Verlosser van aangesig tot aangesig te ontmoet. Maar in die geestelike omgang met God vind die verloste siele hulle behoud. Hy ken sy eie en nog die dood nog die lewe kan hulle van sy beskermende liefde skei…”

Vergelyk die Bybelteks in Johannes 10:28 — “En Ek gee hulle die ewige lewe, en hulle sal nooit verlore gaan tot in ewigheid nie, en niemand sal hulle uit My hand ruk nie.”

Oor die pas afgelope verkiesing skryf Boy Mussmann “…die poppe gaan nou begin dans!” Ja, en dit was dan ook so. En anders as in al sy vorige verkiesing-gesigte, het hy hierdie keer die “blare” (stembriewe) sien “opstyg en verdwyn”. Selfs vir hom was die betekenis hiervan moeilik om te verstaan.

Die verklaring in ons besit, was dat hierdie verkiesing moontlik nie sou plaasvind nie, of dalk uitgestel kon word. Maar terugskouend lyk dit nou eerder asof die “blare wat opstyg en verdwyn” daarop kan dui dat hierdie die lááste verkiesing onder ‘n swart regering sou wees en dat dit die swart heerser is wat gaan “verdwyn”. Dit word in ‘n ander gesig bevestig: “…Ek het ’n magtige kryger/impi (Zuma) uit die aarde te voorskyn sien kom, en die assegaai en skildvel wat hy bokant sy kop uitstoot se skaduwee val dwarsoor ons land … dan sien ek dat hy agter ’n newel verdwyn.”

Hy het ook voorspel dat Duitsland ons sal kom help in die stryd. Maar waarom sal hulle dit wil doen? In 1914 het oom Nicolaas gesê as genl. Botha nie Duitswes vat nie, dan het die Duitsers nie rede om dit weer te kom vat in hierdie oorlog nie. Dit was teen ons sin dat genl. Botha Duitswes moes inneem, maar oom Nicolaas sê die HERE se weë is nie ons weë nie. Generaal Louis Botha kan nie Duitswes vat as hy nie die spoorlyn van Prieska af bou en dit aansluit by dié van Duitswes om sy troepevoorrade aan te voer nie. Die traktate wat na Suidwes geneem is, sal weer ter sprake kom.

Uiteindelik sal Duitsland ons help om Suid-Afrika tot by die ewenaar skoon te maak.

En wanneer die 3de Wêreldoorlog verby is, dan sien hy neem ons ook besit van die eiendomme (plase en huise) van dié wat uit die land gevlug het en verdeel dit kosteloos onder die volk. En hulle wat tydens die bewind van die swart regering uitgebuit en verarm is, sal nou weer ’n menswaardige bestaan kan voer. In Suid-Afrika sal daar vrede en voorspoed heers.

Johanna beskryf dit weer só: “Die heerlikheid van Europa behoort tot die verlede; die val van die Britse Koninkryk staan voor die deur; die wêreldse rykdom en mag van Amerika het sy toppunt bereik en sal in die toekoms stadig maar seker van hom weggeneem word. Suid-Afrika is die hoop van die wêreld. Suid-Afrika is die land van belofte, die land van vryheid, die land van bevryding.

“Vir die lyding van sy voorgeslagte, vir die morele moed van sy rebelle; vir die reinheid van sy geskiedenis, onbevlek met mensebloed, onbesoedel met hebsugtige geweld; … vir hierdie dinge en nog veel meer wat later bekend gemaak sal word, is Suid-Afrika uitverkore bo alle ander volke van die wêreld.

“Julle, wat vroeër geen barmhartigheid bewys is nie, die Here God sal Hom nou oor julle ontferm. Hy het die bande van julle verdrukking aanskou; Sy medelydende oog is op julle gevestig; Sy oor het die versugtinge van julle verstrooide, verarmde en verdeelde volk gehoor, en Sy Heilige toorn is ontsteek teen julle vyande.”

Ons oorwinning, sê sy is meer werd as goud. Aan die einde van alles sal daar ‘n nuwe wêreld wees: “Dan kom die Lig — die verblindende Lig en die Heerlikheid. Die handjievol wat oorbly, sal so gelouter wees — so gelouter — dat dit vir die Seun van Regverdigheid moontlik sal wees om in hulle midde te woon en oor hulle te heers as ’n Priester en Koning, vir ’n duisend jaar.”

Net ‘n handjievol, sê sy — die Bybel noem dit ‘n oorblyfsel soos ‘n skermpie in ‘n wingerd…

 

SIENER VAN RENSBURG

Lorem ipsum dolor sit amet consectetur adipiscing elit dolor

RAAD VIR KWALE

Vir slegs R120

Die verborge boeke van Eden
Openbaringe van Paulus & Petrus
Die Boek van die Opregte

R370

R470