BLOG

Onbeskut, haweloos en ingeperk

In 1990 het die verloopte Afrikanerbond en hulle agterryers vir ons gesê apartheid is ’n sonde omdat ons in God se oë almal dieselfde is en daarom ook mekaar se gelykes. Al het die Almagtige self verklaar dat Hy soort volgens soort gemaak het en dat hulle nie mag verswaer nie.

Maar net daarna het hulle hulself afgeskei van hierdie ‘nuwe gelykes’ deur agter elektroniese heinings, staalhekke en die wakende oê van sekuriteitskameras weg te kruip. Ook is gewapende sekuriteitseenhede ingespan om hulle te beskerm.

Maar toe maak die bose mnr. Corona oornag sy verskyning, en dompel die ganse mensdom in totale paniek, verwarring en chaos! En vanuit die naald was dit duidelik dat mnr. Corona geen onderskeid maak nie, sy bose oog skeer almal oor dieselfde kam; en ook De Klerk sou saam met dié op wie hy sy rus gedraai het, spoedig uitvind dat selfs die beste en duurste elektroniese heining, staalhek, kamera-oog óf gewapende sekuriteitswag nie in staat is om hierdie indringer van jou deur af weg te hou nie!

Dwarsoor die wêreld word die een noodmaatreël na die ander getref om die pes te te probeer bekamp. Lande sluit hulle grense, vlugte word gekanselleer, besighede maak toe, skole sluit en ’n sekere hospitaal in Durban het selfs geweier om besmette pasiënte toe te laat. By supermarkte vertrap mense mekaar om noodaankope soos  kos, skoonmaakmiddels en vitamines te doen.

Intussen verneem ons daar is gevalle van die coronavirus op alle kontinente behalwe Antarktika aangemeld.

  • Dit mag wees dat die virus natuurlik of mensgmaak is. Hoe dit ook al sy, die wêreldmagte gaan dit gebruik om hulle agenda uit te voer.
  • Geld is reeds in Wuhan, China ‘onwettig’ verklaar omdat dit die ‘vinnigste’ manier is om die virus te versprei. As dit ook in die res van die wêreld gedoen word, het die Nuwe Wêreldorde beplanners hulle doel bereik.
  • Een van die nagevolge van die virus kan ’n entstofprogram wees. Nie om ons gesond te hou nie, maar siek te maak
  • Die Amish gemeenskap in Amerika

    Die Amish-gemeenskap, wat ongeveer 200 000 tel en wat teen inentings gekant is weens hulle geloof, het nog nooit ’n geval van outisme of verskeie ander siektes gehad nie. Die Amish het vroeg in die 18de eeu na Noord-Amerika geëmigreer; hulle het hulle in die ooste van Pennsylvania afgesonder, waar daar vandag ’n groot nedersetting bly.

  • Plakkaat in Duitsland gedurende die T-4program.

    Die virus takel ouer mense en veral vigs- en teringlyers, wat kan beteken dat dit gemik is op ‘nuttelose eters’. Dit herinner aan die destydse T4-program in Duitsland gedurende die 2de WO: Die Nazi-program was Aksie T4: Die moorde het plaasgevind vanaf September 1939 tot aan die einde van die oorlog in 1945; 275,000 tot 300,000 mense is dood in psigiatriese hospitale in Duitsland en Oostenryk. Die Duitsers het Pole en die Protektoraat van Bohemia en Moravië beset (nou die Tsjeggiese Republiek.) Verskeie redes is voorgestel vir die moorde, waaronder eugenetika, rassehigiëne en geldbesparing.

  • Die opskrif lees: “60 000 Reichsmark is wat dit die staat kos om om te sien na hierdie persoon met sy ooreflike siekte. Volksgenote, dit is jou geld ook”
  • Na die inval in Pole, het Hermann Pfannmüller (hoof van die Staatshospitaal naby München) gesê: “Dit is vir my ondraaglik dat die fleur van ons jeug in die voorste linies hul lewens moet verloor, terwyl die gebrekkige en asosiale elemente ’n veilige bestaan in ’n toevlugsoord kan hê.”

Die Wêreldgesondheidsorganisasie het verklaar dat die coronavirus ’n noodsituasie vir openbare gesondheid en ’n PANDEMIE is.

Regoor die wêreld sukkel lande om die verspreiding van die virus te beheer, en:

  • Dorpe word gesluit.
  • Skole en universiteite sluit.
  • Besighede sluit.
  • Mense word gedurende lang periodes in kwarantyn geplaas.
  • Honderde vlugte is gekanselleer.
  • Lughawens word gesluit.
  • Mense word gedwing om hulle in hul huise af te sonder.
  • Openbare byeenkomste is verbied.
  • Internasionale sportbyeenkomste gekanselleer.
  • Grensposte word gemonitor of gesluit om kruisbesmetting te voorkom. Behalwe in Suid-Afrika waar daar tot ’n 1 000 onwettige immigrante daagliks oor ons onbewaakte grense stroom.
  • COVID-19 versprei vinnig oor die hele wêreld.

Miljarde binne minute van die SA mark weggevee

 Die bekende ekonoom Mike Schussler, het onlangs gesê Suid-Afrika is nie meer in ’n resessie nie, maar depressie, want die land ondervind op die oomblik die slegste ekonomiese toestand in sy hele geskiedenis. Suid-Afrika het ook die grootste werkloosheidsyfer ter wêreld. En hierdie skokkende inligting is gemaak terwyl daar gewag word vir Moody se aankondiging of hy SA se gradering tot rommelstatus gaan verlaag.

Intussen het die JSE verlede week ’n bloedbad beleef toe miljarde rand binne minute van die mark weggevee is

Die JSE het 15% van sy waarde verloor — en twee van sy grootste ineenstortings in die afgelope veertig jaar beleef. Die JSE se indeks van alle aandele het Maandag met meer as 6% gedaal, terwyl die mark Donderdag met 9.7% gedaal het. Sasol het Maandag weer met 15% gedaal tot R42.99 — nadat hy verlede week tot net onder R30 gedaal het. Mynaandele is ook sleg getref — waaronder Gold Fields (-16%), Exxaro (-15%), Northam (-13%) en Sibanye (-13%).

Hierdie toedrag van sake laat my wonder of dit nie is wat Siener in sekere van sy gesigte waargeneem het nie.

Op 6 Maart 1916 sien hy die perskes lê in die sloot, en hy loop oor ’n sementvloer. Perskes beteken daar is volop geld in omloop, maar omdat dit in ’n sloot lê, beteken dit die ekonomie is tot niet. Die volk kry baie swaar — hy koop oor ’n koue sementvloer.

Op 18 Oktober 1917 sien hy weer ’n dam wat leeg raak. Dwarsoor die wêreld gaan ekonomieë groot verliese ly. Op 26 Januarie 1920 verander die perskeboom in ’n sipresboom. Weereens ’n teken dat ekonomieë  in duie gaan stort. En op 11 Mei sien hy kafferkoringare wat die sinnebeeld van mense aan neem en dan word die mense nakend. Kafferkoring is die simbool vir geld, en hiervolgens gaan mense al hulle geld verloor.

Oom Niklaas het gesê daar is ’n rede waarom hy vir ons tekens gegee: “sodat julle kan weet wanneer die oorlog (Derde Wêreldoorlog) gaan begin: “Kyk,” het hy gesê: “die treine sal staan. Die myne staan. Die motorvoertuie staan en die Nie-Blanke mynwerkers is weg huis toe gestuur”.

Op 11 Maart 1922 het hy ’n gesig gehad wat nog bewaarheid moet word. Hy het gesien hoe dat “’n groot besem die aarde skoonvee…”

Die betekenis van die besem het Siener eendag aan Boy Mussmann verklaar toe dié by hom wou weet waarvoor ons vyande dan gaan vlug. Sy antwoord was “Dis die Gees van Verskrikking wat God in ons vyand se harte gaan opwek (vir die Groot Besem) en wat sal maak dat hulle halsoorkop op die vlug gaan slaan…”

Die woord ‘corona’ in Hebreeus beteken ‘Crown of fear’ (kroon van vrees).

Kan ’n doodse angs vir hierdie ‘besem’ dalk die rede wees waarom mense ‘op die vlug gaan slaan’?

Nie lank hierna nie sien hy die ganse wêreld word aan die brand gesteek: “…Dan slaan die aarde brand en sien ek ’n gesig van ’n aaklige oorlog; van perde met bloed wat van die perde se stange sal afloop.” Die 3de Wêreldoorlog.

Swart skoene en donkerte

Reeds op 1 Augustus 1915 het hy al gesien dis ‘donker’ hier en in die ‘donker’ sien hy ’n man, met swart skoene aan. (Die ‘swart skoene’ beteken ons staan onder ’n swart regering en ‘donker’ is die simbool van ’n verskeidenheid haglike omstandighede waaronder ons in daardie tyd gebuk sal gaan. Van die dinge wat hyself genoem het, is beproewing, swaarkry, armoede, verdrukking, moedeloosheid, asook ’n langdurige droogte).

“Ek sien die Boere se hoede hang oor hul oë en hul koppe hang laag. (Hulle is baie moedeloos). Ek sien hulle het kolle op die oë wat soos pêrels lyk (hulle word verblind en kan nie sien wat werklik besig is om rondom hulle te gebeur nie). Die droogte het hulle gebreek. Die huidige uitgerekte droogte was dan ook een van die vier perde wat hy in Afrika sien ry het en wat groot ellende, hongersnood en duisende sterftes tot gevolg gehad het. Die vierde perd was ’n pes wat so erg sou wees “dat nie al die dooies begrawe kan word nie”.

Siener: “Dan sien ek Hosea 4:16 voor my verskyn: ‘Want Israel is wederstrewig soos ’n wederstrewige koei; nou sal die Here hulle laat wei soos ’n lam in die oop veld”. (Wat met Israel gebeur het, gebeur nou ook met die Boervolk — hulle is onbeskut, haweloos en sonder leier of herder).

Mnr. Boy Mussmann skryf: “Daarna sê oom Niklaas sien hy die gras word weer witdroog (Die aanbreek van ’n bitter koue winter) en wanneer die gras weer groen word, begin ons dinge”).

Siener het ook aan Boy Mussmann gesê “God gaan die skroef aandraai en aandraai en aandraai totdat ons op ons knieë gaan en Hom om hulp smeek”.

Kan die coronavirus dalk daardie ‘skroef’ wees…

Eers was daar ebola

Aanvanklik was ek van mening dat ebola dalk die verwoestende pes kan wees, maar ebola het nooit werklik hand uitgeruk en pandemiese afmetings aangeneem nie.

Die coronavirus daarenteen, wat vroeg in Desember verlede jaar in Huwan, China uitgebreek het, het spoedig tot ’n wêreldwye pandemie uitgekring. En na alle waarskynlikheid kan dit ook die vierde perd wees wat Siener in Afrika sien ry het. Want volgens kenners is Afrika op die oomblik die minste daartoe in staat óf voorbereid om die coronavirus te bestry.

Ramaphosa het op 15 Maart 14 maatreëls aangekondig om die virus te bekamp. Hy het in sy toespraak ook melding gemaak van al die instansies, departemente, en bekwane kamerade met wie se hulp hy gaan verhoed dat die virus in Suid-Afrika versprei. Opvallend is die Almagtige se Naam nie onder hulle nie. Is dit omdat Ramaphosa wéét hy kan niks vanuit daardie Oord verwag nie? Want want sy god is die vleeslike arm van die Sangoma en sy versameling diknekke.

In ‘Kommentaar’ Sondagaand 15 Maart op RSG het drie blanke ‘vleeslike arms’ die coronavirus bespreek. Onder hulle was Jan-Jan Joubert, die liberale ANC-stofkruiper en pootlekker. Sommer met die intrapslag het hy van die geleentheid gebruik gemaak om neerhalend en snedig te verwys na die spul ‘regse’ gekke wat in ’94 stapels blikkieskos bymekaargemaak het!

Maar hierdie keer gaan die genadelose mnr. Corona Jan-Jan Joubert sy woorde laat sluk en ‘dwing’ om self ook blikkieskos bymekaar te maak ― as hy hoop om te oorleef, want reeds Maandagoggend het ons uit verskillende oorde verneem dat daar stormlope by winkels is om kosvoorraad op te koop.

Die uitbreek van hierdie virus en sy verspreiding wêreldwyd, het ook skielik heelparty ander visioene van Siener op die voorgrond gestoot. Ek noem net ’n paar daarvan:

Op 15 Jul. 1919 het hy ’n gesig gehad van mense wat in Johannesburg se strate afbeweeg Toe kom mense uit dieselfde rigting met grawe agter die rug … “Ek loop in Johannesburg tussen die mynhope deur,” sê hy, “en geen mens is te sien nie ― al die mynwerkers is huis toe gestuur.”

Die vraag is nou, hoekom word hulle huis toe gestuur? Dis tog nie moontlik dat al die myne in ons dag uitgewerk en gesluit sal word nie. Maar ’n pandemie soos die coronavirus, kan die mynbase dwing om hul bedrywighede tydelik te staak om te verhoed dat werkers wat met die virus besmet is ook ander werkers aansteek.

Suid-Afrika het op die oomblik nog 526 myne wat ontgin word, met ’n werkersmag van nagenoeg 500 000. Sou dit dan gebeur dat hierdie werkers tydelik sonder betaling (met ’n gemiddelde salaris van R21 000 per maand) huis toe gestuur word, kan Siener se gesig van 1 Okt. 1917 ’n werklikheid word: “die mieliestronke is by Johannesburg aan brand”. Hy het self gesê dis ’n teken van massa-aksie en geweld wat in die stad gaan losbars. Groot stakings sal dan ook landswyd voorkom.

Die coronavirus raak egter nie net die myne nie, maar ook vele ander bedrywe wat as gevolg daarvan tot stilstand kan kom — dink maar aan die boubedryf, lugrederye, toerisme, sakeondernemings soos hotelle, gastehuise, restourante; dan is daar nog die talle sportbyeenkomste, toneelopvoerings en sangkonserte wat nie meer voor gehore sal kan plaasvind nie. Om van kerkdienste, sportbyeenkomste en feeste nie eens te praat nie. (Die Comrads Marathon en die KKNK is reeds afgestel, so ook vele ander byeenkomste (waar meer as 100 mense vergaderg is) en die BBC het oor die naweek berig dat 50 miljoen mense in die toeristebedryf se werk in gevaar is.

Selfs taxi’s kan verbied word om passasiers te vervoer, en les bes sal treine ook nie meer loop nie.

Hoe het Siener nou weer gesê? Die karre (taxi’s?) staan op die rooi bulte en ook die treine staan. Wat hy presies bedoel het met ‘die rooi bulte’ is nie duidelik nie. Maar volgens sy eie verklaring beteken ‘rooi’ kommunisties (gevaar) en die simbool ‘bult’ staan vir swaarkry tye. Dus sal die karre staan in ’n tyd van kommunistiese beheer en ons swaar tye beleef.

In verband met die oorlog het hy kort en kragtig gesê dit sal begin  wanneer Russiese magte in een nag  deur Turkye beweeg tot by die Spaanse grens.

In ander visioene het Siener vir ons die verloop van sekere toekomstige gebeure gegee: “’n Jong, Ierse meisie word in ’n oogwink volwasse”. (Ierland word onafhanklik. Na Brexit is dit ’’n sterk moontlikheid).

Uit ’n groot tenk rol fyn skaapmis en meteens word die hele aarde ’n groot miswerf (’n pes wat die hele aarde besmet) ’n Plaat garingbome beweeg na die noorde (garingbome het met die parlement te doen. Siener het gesê die parlement gaan in wanorde uitmekaarspat en noorde toe vlug).

“In die noordweste val ’n emmer bloed om (geweld, bloedvergieting) en dan sien ek ons vlag is in die bloed gedoop en daardie bloedvlag wapper dan oor ’n vrye volk.”

Het Bill Gates geweet?

Die multi-miljoenêr, filantroop, Vrymesselaar en voorstander van die nuwe Wêreldorde Bill Gates, bepleit al jare lank dat die wêreldbevolking drasties verminder moet word. In 2015 het hy in ’n praatjie ’n scenario voorgehou wat ’n presiese weergawe is van wat ons vandag beleef.

En op 28 April 2018 tydens ’n bespreking met pres. Trump oor epidemies het Bill Gates weer gesê “Die volgende dodelike siekte wat ’n wêreldwye pandemie sal veroorsaak, is voor die deur en ons is nie gereed daarvoor nie. Hy het  benadruk dat dit vir Amerika belangrik is om gevorderde navorsing oor nuwe terapeutiese middels, te befonds, en daar moet ’n  universele griep-entstof ontwikkel word wat mense teen alle of die meeste griepstamme sal beskerm. (En op 11 Maart 2020 berig Science Alert soos volg: “A Potential Universal Flu Vaccine Just Passed an Important Clinical Trial. There may be hope yet for a universal flu vaccine – one powerful dose of immunisation that can provide long-lasting protection for multiple influenza strains, all in a single shot.”)

Gates het verder gesê: “’n Siekte soos die pandemie-griep van 1918 kan binne ses maande 33 miljoen mense doodmaak, en die wêreld moet daarvoor voorberei soos vir oorlog.”

“Die waarskynlikheid dat so ’n siekte sal voorkom, neem steeds toe. Nuwe patogene kom voortdurend na vore namate die wêreldbevolking toeneem. Vir individue of klein groepies word dit makliker en makliker om siektes te skep wat soos ‘n veldbrand oor die hele wêreld kan versprei.”

(Hierdie corona-pandemies is na alle aanduidings dus vooruit beplan!)

Roger Teale — ’n verstommende profesie

Seker een van die belangrikste profetiese uitsprake oor Suid-Afrika se toekoms is op 4 April 1994 in Durban deur die Amerikaanse prediker Roger Teale, gegee. Hieronder is ’n woordelikse weergawe van sy profesie. Let veral op na die onderstreepte gedeeltes — dis ’n akkurate beskrywing van presies wat ons vandag beleef:

Roger Teale

“Julle, die regverdige volk van God moet die Here vra om die land, jul kinders en familie te spaar vir die geweld en bloedvergieting wat met alle boosheid en minagting van lewe op straat sal uitbreek.

Die rand sal gedevalueer word en u besittings sal onder u neuse verkoop word.

“Dit begin April/Mei. Dit is belangrik dat u na u eie plek, u huis, sal terugkeer. “Daarom moet u vandag van alles wat in u huis onheilig, vuil, onbehoorlik is en nie van God nie, ontslae geraak of verbrand word. Dinge soos pornografie; Afrika-maskers, krale, messe, spiese; Vrymesselaars se goed, afgode, heksery, ens. En bly binne die huis waarin u u verbond met God gesluit het. Moenie uitgaan nie, bly binne, u is gewaarsku. (Weens die coronavirus word ons verplig om ons af te sonder).

“Wat kom, is nie die werk van die duiwel nie, maar die oordeel van God.

“Ek gee u ‘n teken: — hulle sal alles verbrand! (Ek kan in die moeilikheid kom om dit te sê!). En as ek ‘n ware profeet van God is en as ek ooit weer na hierdie land sal terugkeer, is dit miskien ‘n goeie toets vir my vir wat ek nou gaan sê: Hulle sal die lughawens sluit en u sal nie kan in- of uitkom nie!” (Talle lugrederye het reeds hul vlugte gekanselleer).

Blog Artikels

E-BOEK: Kerkverraad is 'n onstellende verslag oor die Afrikaanse kerk se bedrieglike rol in die Boervolk se uitlewering.
Solidariteit, Afriforum en die Broederbond - 'n doringbos in die Boervolk se pad.
Subscribe
Notify of
guest
36 Comments
Oldest
Newest Most Voted
Inline Feedbacks
View all comments
Barry62

Adriaan dit is verstommend wat jy sê. Ek het vergeet dat die myn swartes huis toe stuur en dat niemand in of uit die land kan gaan nie. Dit gebeur hier voor ons oë. Van vanaand AEST 21.00 word alle lughawens gesluit vir buitelandse vlugte, net burgers en PR visas kan terug keer. Myself werk nou van die huis en mag nie meer in gaan stad toe nie. En soos Roger Teale gesê het April/Mei is die groot maande. Adriaan dankie dat jy as n rigter vir ons optree.

Dirk Albers

Adriaan, baie dankie vir hierdie tydige artikel, wat dringend noodsaaklik is in hierdie tye. Dit is asof die ” verskrikking van die Here, ” alreeds oor die NSA posgevat het ? Maar die denkende gelowiges weet dat dit maar net die begin is, nê. Maar die verwarring rondom die corona-virus word elke dag erger. En die grootste staatsdiens-unie, het die guts om te dreig met massa-aksie as hulle loonverhoging nie toegestaan word nie ! Kan jy só iets oorvertel ? Maar dit is wat gebeur, wanneer christene hulle land op n silwer skinkbord aan sataniese barbare oorhandig, nie waar nie ? En as hulle verder vir VYF EN TWINTIG JAAR, gereeld kruisies op stembriefies loop trek het. En só het hulle n sataniese, ONWETTIGE, terroristiese regering wettiging, en bestaansreg gegee. Hulle het as’t ware om die ” Goue Kalf ” gedans, met die GRUWELIKE nasies, wat Vader Yahweh tot in ewigheid HAAT ! En nou bid hulle vir beskerming teen die corona-virus ? Miskien gaan hulle n GROOT stem uit die Hemel hoor, wat sê : Julle gebede is n GRUWEL voor My aangesig ! !

RIGTER

Aan Alle Manne:

Exo 12:16-17 Afr1953
16 En op die EERSTE DAG
(8 April 2020 in die DAG)
moet daar ‘n HEILIGE SAMEKOMS wees;

(DANK DAG,
GOD VERLOS/KOOP ONS
VAN BALLINGSKAP)

ook op die SEWENDE DAG
(14 April 2020 in die DAG)
moet daar vir julle ‘n HEILIGE SAMEKOMS wees.

(DANK DAG
DOOP/BESNYDENIS
Deur
die Rooi/Skelfsee –
DIE OPSTANDING UIT DIE DODE)

Daar mag géén werk
op dié dae gedoen word nie;
net wat deur elkeen geëet moet word,
dit alleen mag deur julle berei word.

17 Onderhou dan die ONGESUURDE BRODE,
(!8 tot 14 April – 7 Dae)
want op daardie selfde dag
het Ek julle leërs
uit Egipteland uitgelei.

Daarom moet julle
HIERDIE DAG
in julle geslagte
as ‘n EWIGE INSETTING hou.

(eet pap-Morvite,
in plaas van
gesuurde brode)

Exo 13:9 Afr1953
En dit moet vir jou
as ‘n TEKEN wees
op jou hand
en
‘n GEDENKTEKEN
tussen jou oë,
sodat
die WET van die HERE
in jou MOND mag wees;
want deur ‘n STERKE HAND
het die HERE
jou uit Egipte uitgelei.

In Jesus Naam.
boetie johannes

RIGTER

EEN ALTAAR:
Ry Car na von Jesus.

In Jesus Naam.
boetie johannes

RIGTER

vergewe my asseblief, ek het ‘n fout gemaak, met die datums, in die vorige pos.

FEES VAN DIE ONGESUURDE BRODE
Abib/Nisan 15 – 21
(9 – 15 April 2020)

Exo 12:16-17 Afr1953
16 En op die EERSTE DAG
Abib/Nisan 15
(9 April 2020)
moet daar ‘n HEILIGE SAMEKOMS (SABBATDAG) wees;

(DANK DAG,
GOD VERLOS/KOOP ONS
VAN BALLINGSKAP)

ook op die SEWENDE DAG
Abib/Nisan 21
(15 April 2020)
moet daar vir julle ‘n HEILIGE SAMEKOMS (SABBATDAG) wees.

(DANK DAG
DOOP/BESNYDENIS
Deur
die Rooi/Skelfsee –
DIE OPSTANDING UIT DIE DODE)

Daar mag géén werk
op dié DAE gedoen word nie;
net wat deur elkeen geëet moet word,
dit alleen mag deur julle berei word.

17 Onderhou dan
die ONGESUURDE BRODE,
want op daardie selfde DAG
het Ek julle leërs
uit Egipteland uitgelei.

Daarom moet julle
HIERDIE DAG
in julle geslagte
as ‘n EWIGE INSETTING hou.

Exo 13:9 Afr1953
En dit moet vir jou
as ‘n TEKEN wees
op jou hand
en
‘n GEDENKTEKEN
tussen jou oë,
sodat
die WET van die HERE
in jou MOND mag wees;
want deur ‘n STERKE HAND
het die HERE
jou uit Egipte uitgelei.

eet pap – Morvite,
in plaas van
gesuurde brode

In Jesus Naam.
boetie johannes

Barry62

Rigter ek het net vinnig oor jou datums gegaan… en na ek die profesië gekyk het van Roger Teale en waar hy uitdruklik sê verwyder alle onheilge items uit jou huis… dit sluit aan by jou datums oor die Fees van die ongesuurde brode… sy waarkuwing dat die land gaan brand April/Mei …. dalk is dit die laaste geleentheid om ons huis in orde te bring en alle onheilighede te verwyder.

RIGTER

hallo Barry

Gooi
die tv-god
by die voordeur uit
en maak SEKER
dit BREEK HEELTEMAL,
Sodat
jy nie later BEROU kry
en
dit weer gaan soek nie.

Slaan dit STUKKEND/FYN,
tot
daar NIKS oor is,
NET SOOS MET DIE GOUE KALF.

hulle flits afgode/ikone/duiwels
oor
die tv-god,
in jou onderbewussyn
en
jy word dan geestelik
verblind en verdoof
en
afgestomp
Vir
Die Woord van GOD.

Daar is GÉÉN Gees in dit nie.

JY MAG NIE
‘n gelykenis maak,
van enige-iets
en jouself
daarvoor neergebuig nie.

Die Heilige Gees,
Woon,
IN die liggaam,
Van,
Die Gehoorsame mens,
aan GOD.

1Kor 3+6

In Jesus Naam.
boetie johannes

RIGTER

FEES VAN DIE ONGESUURDE BRODE
Abib/Nisan 15 – 21
(9 – 15 April 2020)

Num 28:17-18 Afr1953
17 En op die VYFTIENDE DAG
van hierdie maand
is dit FEES;
sewe dae lank
moet ONGESUURDE BRODE
geëet word.

18 Op die EERSTE DAG
Abib/Nisan 15
(9 April 2020)
moet daar
‘n HEILIGE SAMEKOMS (SABBATDAG) wees;
géén beroepswerk mag julle doen nie.

(DANK DAG,
GOD VERLOS/KOOP ONS
VAN BALLINGSKAP)

25 En op die SEWENDE DAG
Abib/Nisan 21
(15 April 2020)
moet daar
vir julle ‘n HEILIGE SAMEKOMS (SABBATDAG) wees;
géén beroepswerk mag julle doen nie.

(DANK DAG
DOOP/BESNYDENIS
Deur
die Rooi/Skelfsee –
DIE OPSTANDING UIT DIE DODE)

Exo 13:9 Afr1953
En dit moet vir jou
as ‘n TEKEN wees
op jou hand
en
‘n GEDENKTEKEN
tussen jou oë,
sodat
die WET van die HERE
in jou MOND mag wees;
want deur ‘n STERKE HAND
het die HERE
jou uit Egipte uitgelei.

Num 33:3 Afr1953
Hulle het van Raämses af opgebreek
in die EERSTE MAAND,
op die VYFTIENDE DAG
van die EERSTE maand;
op die DAG
ná die PASGA
het die kinders van Israel
deur ‘n HOË HAND
voor die oë
van al die Egiptenaars
uitgetrek,

eet pap – Morvite,
in plaas van
gesuurde brode

In Jesus Naam.
boetie johannes

Ou Tant Soes

Ek weet nie of die vorige pos deurgegaan het nie, soos gewoonlik is ons internet vol streke.

Dit handel oor wetgewing in Denemarke wat inenting teen corona verpligtend maak.

Ek probeer weer die skakel.

https://m.youtube.com/watch?v=_764K_LOUQM&feature=share&fbclid=IwAR21UQr_R18Mt5em5lm1FozkjEMpVdTFS-Fd2eB9I74zMyufLBUmAx8gLnA

Pieter-Jan Van Zyl

Goeie Naand aan almal hier by Vaandel. Lekker reenirige Sabbat/Saterdag aand in PTA. Dankie weer vir Oom Adriaan vir al jou harde werk soos altyd. Mag dit by VADER YHVH nie ongesiens verby gaan nie. Alle EER aan HOM. Mense gaan kyk gerus na die statistiek metings webtuiste: hier is die link – https://www.worldometers.info/coronavirus/ . Oom Adriaan sal nie kan glo hoe ons eie volksgenote Liberaal\Slim\Wêreldse Kenners so paranoia kan beleef. Die vraag was nog altyd by my waarom ons as kwansuis christene vol vrees is.. Maar dan onthou ek my Groot groot Oupa Siener se woorde aan my groot ouers dat weens ons ongeloof en vermenging met sSY Vyande sal HY dit Toelaat en Goedkeer. Ek het nog die heeltyd in my hart geweet 20 / 20 (Wonderwerk getal 40 van ons Woord) sal ‘n Wonderwerk jaar word of die inleiding meebring tot my Volk (Nie Volke Nie) Boer-Volk se uitkoms en dan ook net die OORBLYFSEL wat ek nog elke dag voor bid sedert my 20 jare. Mense as jy bang is vir die dood sal Lucipher/Satan jou met paranoia vul van hier tot in die Kaap. Onthou en dink hoe moes dit gewees het vir die Boer Vrouens en Kinders in die Anglo-Boere oorlog. Moet nie vir my sê paranoia was daar nie, hulle sou nie een dit oorleef het nie. Hulle was op daardie stadium met vergelyking met ons vandag met al ons tegnologie 12 000 keer meer Gelowig as ons. Die woord leer ons om net op VADER YHVH te vertrou. So die dinge wat nou kom was al milleniums tevore opgeteken vir my en jou behoud en om te deel in VADER YHVH se beloning. Om dit as oorblyfsel te dien of in SY koninkryk saam met voorgeslagte. Dit sal net VADER YHVH weet en tyd sal leër. Groete aan alle Volksgenote van my hand na jou hand. Mag SY gees en Engele Leerskare oor ons wees en ons veraltyd onder SY Torah/Wette bly om nie Verlore te gaan nie.

Baksteen

Die woord corona is Latyns en Grieks (korona), en beteken kroon. Kroon in hebreus is keter… net so terloops.

Barry62

Ek plaas die slegs asTONG IN DIE KIES, moet my ASB nie ernstig opneem nie.
Ek dink corona virus is net n westerse siekte… dit breek uit in China en vir maande gaan dit onbeheerst en dan kom hierdie wonderlike mense in bring dit in n oogwink onder beheer… verstommend dat hulle bevolking oor die 1.3 biljoen is met swak mediese geriewe en tog wen hulle kleinere westerse volke soos Spanje en Italië wat goeie mediese geriewe het…

Die hele westerse wereld steier onder die groei van siek westerling maar al die ander het dit onder beheer… kyk net wat se Indie….India’s Ministry of Health has reported 296 active cases of COVID-19, the respiratory disease caused by the coronavirus, and four deaths. India’s government has made fervent appeals to the public to practice social distancing and good hand hygiene.
However, experts have said community spread of the disease in a country of 1.3 billion people, where tens of millions live in dense urban areas with irregular access to clean water, is inevitable.

SA is n goeie voorbeeld van hoe goed hulle dit bekamp…. kleinere westerse volke het n krises maar SA met sy briljante mediese geriewe en goeie bestuur het net 240 gevalle… vestommend.

En ons weet dat Zimbabwe n tegnologiese leier op feitlik alle vlakke is het net een (1) corona virus geval. Voorwaar n ongelooflike prestasie….

Dus my vriende dit moet n westerse siekte wees 🙂

Hinsie

Goeie naand,
Baie dankie vir die.
Interesante besigheid, die virus besigheid. Dit gaan daaroor om die wat nog nie ‘aanlyn’ is ‘aanlyn’ te kry. Mens kan mos nou alles ‘aanlyn’ doen, werk van die huis af, besigheid doen, skool gaan, inkopies doen, selfs kerk toe gaan, ens. Die ‘aanlyn’ ding se sekerheid is nog net nie op datum nie, die ‘hackers/crackers’ floreer nog. So as mens nou ‘n ‘password’ het wat nie ‘gehack’ kan word nie, wat jyself nie eers ken nie, dan gaan die ding mos werk. So ‘n ‘password’ bestaan mos reeds, die microskyfie/chip wat onder die vel ingeplant word, niemand kan dit steel, copy of roof nie. So as mens nou ‘aanlyn’ is met jou chip dan werk al die dingetjies weer. Het u al gehoor van Agenda-ID2020? Daar word die hele ding bespreek, hoe die geldmag/nuwe wêreldorde beplan het om die chip ding in 2020 in gestel te kry. Daar is heelwat inligting op Gelofteland beskikbaar. Oom Adriaan skryf hierbo dat kontant geld is al onwettig in sjina, een van die dae al die plekke. (moet ‘aanlyn’ sake doen)
Dit gaan ook oor baie geld maak, vir die ingeligtes, (wat in beheer is van die ding). Indien mens die aandele verkoop voor die spul ineenstort kan mens die aandele weer terug koop teen ‘n fraksie van die oorspronklike prys, maak ‘n waenhuis vol geld in die proses en nie ‘n saak met al die wat geld verloor het nie. Wanneer die virus ding nou verby is gaan daar baie meer bankrot mense wees as wat dood is agv die ding. ‘n Ander ding wat ‘hulle’ baie geld mee gaan maak is met die inenting van die mense. Dink net hoeveel mense daar is en elkeen moet ge-ent word, en dit is sommer nog wet ook. Die mense is ook so vol vrees gepomp dat hulle enige prys sal betaal vir die entstof. Die groot farmas ‘smile’ al die pad.
Groetnis.

Dirk Albers

En so sink die ” Titanic ” al dieper in die water in ! En elke keer as die ” president ” sy mond oopmaak, neem die verwarring, en paniek toe. Want by denkende blankes, het hy GEEN geloofwaardigheid nie. Toe hy op die wêreld-media in die kamera in kyk en sê : Daar is geen plaasmoorde in SA nie ! Hy het basies water afgeslaan op elke vermoorde blanke se graf ! En neem asseblief kennis hiervan. Die ruperts, en die oppenheimers gee elk n biljoen rand om klein ( swart ? ) besighede te ondersteun ? ? Dink julle nie dit is BAIE vreemd nie ? Is dit nie n leidraad oor wie die land eintlik regeer nie ? Die anc het nog altyd ” wit base ” gehad, maar die massas bloeddorstige barbare is te onnosel om dit te besef. Dit is ook n ope vraag of daardie biljoene ooit werklik by die regte ” besigheids-mense ” sal uitkom, nie waar nie ? Gaan hierdie NSA nagmerrie n 21 dae ” lockdown ” kan oorleef ? Ek twyfel baie sterk, en ek is nie n pessimis nie, maar wel n realis. As gelowiges het ons egter die versekering dat ALLES wat gebeur, deur Vader se hand toegelaat word, of bewerkstellig word ! Hallelujah !

AntSan

Hallo Oom, hier pas die hele legkaart nou in mekaar. HalleluYah! Die visioen van die Hand wat die geweer se loop wegklap en die wonderwerk vir die Boervolk volg. Glo en vertrou jul Koning se seiltjie oor ons. Nie een haar sal van jou hoof afval sonder die wil van die Vader nie. Soek nou nog na die visioen oor die 21, vir beter perspektief. Dit is uitgemaakte saak, ons is in WW111, chemiese oorlog begin deur rooi sjina. Hou vas aan jul geloof en aan mekaar.

Ockie

So word die hoee bome afgekap Adriaan…

Marc Verhamme

So oom Adriaan. Die lughawens is alles gesluit. Niemand kan nou meer terug vlieg SA toe nie. So wat nou van ons mense in die buiteland? Is dit nou maar tevergeefs vir hulle?

Ockie

Hi Adriaan, dankie, Mark vir die vraag. Soos Adriaan se ons almal; sit in dieselfefde bootjie. Lankal maar veral nou is die tyd meer as ooit tevore om te deurdink, oordink en te besin..waarna toe is ons op pad, en as ons begin soek vir n padkaart…. waar gaan ons n beter een kry as die Woord, soek die waarheid en ons sal dit nerens in hierdie wereld op n beter plek kry as ons Almatige Vader se woord nie…al die spreekwoord gehoor van vat my woord…in hierdie dae wat kom wie se woord gaan ons vat. lief vir my kinders daar in die buiteland…pas julle op. Dankie Adriaan vir ons mede mense soos julle wat staan op die woord.Ockie

AntSan

En nou verloor ons alles! Verstaan daar is Dr’s in Chemie wat glo die virus is fop nuus en aksie van NWO? Ken eninge een van u iemand wat die virus het en siek is?

Dirk Albers

So môre is dit ” lockdown ” in hierdie land ! Vandag was die mense weer wild in die winkels, nê. Dit is opmerklik hoe baie drank daar gekoop word ! Mense spog selfs teenoor ander, hoe baie drank hulle gekoop het. Dit is n soort status-simbool. Let op dat die sataniese joodse media reeds ” subtiel ” praat van dat die ” lockdown ” verleng kan, ( sal ? ) word ? Dit is breinspoeling, mense ! Nou moet ons besluit. Sal hierdie land oor drie weke, in n beter toestand wees om n verlengde ” lockdown ” te hanteer ? Ek glo nie so nie. Mense dink dat voedselproduksie net maksimaal sal voortgaan. Maak nie saak of dit die boere, of die fabrieke is nie. Hierdie positiewe mense is in vir n nare verrassing ! Hierdie virus laat my outomaties dink aan Levitikus 26 ? Hoe dat Vader Yahweh net die heel tyd die skroewe stywer sal draai. Mense, hierdie 21 dae onder ” lockdown, ” is alles behalwe n vakansie. Ons het nog NOOIT so iets belewe in hierdie land nie. Mans en vrouens gaan op mekaar se senuwees begin werk ! Ek voorsien BAIE egskeidings ! Kinders gaan op ouers se senuwees werk, en verveeld raak. Die baie opgehoopte drank gaan natuurlik ook n groot bydrae lewer. En so sal n nuwe vervloeking oor hierdie land neerdaal. Maar ons weet darem ook. Die WARE gelowige sal deur dit alles kom. Die temperatuur van Siener se smeltkroes word egter môre met BAIE grade opgedraai !

Ou Tant Soes

Dirk, ek is in die ou Transvaal. Hier het ‘n supermark eienaar gister vertel dat hy R42,000 se voorraad gekoop het en R3 miljoen daaruit gemaak het.

Maar dis nog niks. Hy het ook vertel dat hy reeds sukkel om nuwe voorraad te kry en dat hy voorsien dat hy sy winkel iewers gedurende “lockdown” sal moet sluit.

Intussen wemel die dorp van weermag voertuie.

JanB

Antsan kyk na volgende video

https://www.youtube.com/watch?v=o3owWTjU0Zk

Adriaan Snyman

Mnr Jaap Marais het dit herhaaldelik aan ons gestel dat hierdie Swart kommunistiese bestel in duie sal stort omdat dit nie oor die duursaamheid van die belangrikste twee voorwaardes beskik nie, naamlik ’n:
• groeiende ekonomie, en
• respek vir wet en orde.
Mnr. Jaap Marais se woorde in Augustus 1994:
“Omdat hulle prioriteit wraak en uitwissing van die Blanke is, sal so ’n ineenstorting met groot bloedvergieting en geweld gepaardgaan. Ons moet ons voorberei vir wanneer al hierdie dinge in duie sal stort.”
Roger Teale se woorde in April 1994
Roger Teale, ‘n Christenprediker in Amerika, het op 4 April 1994 in Durban gearriveer waar hy teen sy sin (want hy het eintlik nie kans gesien om na Suid-Afrika te kom nie en het dit lank reeds uitgestel), maar uiteindelik in opdrag van God, die eerste van sy reeks waarskuwings oor juis dit waarvan mnr Marais hierbo gepraat het, aan gehore in Suid-Afrika kom rig.
Hy het ‘n uitgewerkte reisprogram gehad om in verskeie groot stede in die land op te tree.
Ná sy openbaringe die vorige aand in Durban, is sy visum die volgende oggend skielik ingetrek en hy moes die land onmiddellik verlaat. Hy was nie toegelaat om enige van die ander stede te besoek nie omdat hy daardie aand gesê het:
• Maak julle gereed vir groot geweld wat hier sal uitbreek. Julle bloed gaan in die strate loop.
• Ek sien dat al die lughawes gesluit word en net mense wie se name op ‘n lys is toegelaat word om uit die land pad te gee.
• Julle moet ernstig tot God bid dat Hy julle geliefdes, vroue en kinders, en julle huise en besittings in daardie uur van verskrikking sal uitspaar…
• En julle rand sal dan niks werd wees nie.”
Hy het dus ook die ekonomiese ineenstorting saam die geweld voorsien, net soos mnr Marais voorspel het dit sal gebeur.

JanB

So staan dit in die koerante reg oor die wëreld. Uit chaos sal die phoenix rys.

World will need new financial system after Covid-19
We need to avoid putting current system back together with sticking plaster
Wed, Mar 25, 2020, 01:27

https://www.irishtimes.com/opinion/world-will-need-new-financial-system-after-covid-19

IMF Proposing New World Currency to Replace U.S. Dollar & Other National Currencies!
Lorimer Wilson February 6, 2020

http://www.munknee.com/imf-proposing-new-world-currency-to-replace-u-s-dollar-and-other-national-currencies/

Changes coming to the global monetary system.

https://www.youtube.com/watch?v=MZ79WVCNMP0

On The Cusp Of The One-World Currency

https://www.libertynation.com/on-the-cusp-of-the-one-world-currency/

Globalists Are Bringing Their One World Currency Plans Out Into The Open
Profile picture for user Tyler Durden
by Tyler Durden
Wed, 04/10/2019 – 18:05

https://www.zerohedge.com/news/2019-04-10/globalists-are-bringing-their-one-world-currency-plans-out-open

This Is the One Thing That Might Save the World From Financial Collapse
Amid everything else, there’s a deeper economic crisis underway.

By Adam Tooze
Mr. Tooze is the author of “Crashed: How a Decade of Financial Crises Changed the World.”

March 20, 2020

https://www.nytimes.com/2020/03/20/opinion/coronavirus-economy-currency.html.

Mich

My mening is, hierdie is n oorreaksie op n virus wat wel bestaan, maar ons sal oor n maand weer rugby kyk en daar sal geen geweld wees buiten die barbaar se normale verwerping van gesag, maar die sal vinnig gesmoor word. Terloops die Rand is aan die verkeerde kant van R10 vir jare en het nie noemenswaardig versleg nie. Ek is seker daar sal n tyd van oordeel en ingrypende verandering wees. Maar hierdie is nie daai tyd nie. Kom ons behou geloofwaardigheid en beheen hierdie tyd met intelegensie en wysheid. Berei voor maar moenie meegesleur word nie want dan verloor hierdie blad sy integriteit. Groete

Kobus Scheepers

So neem ons amper almal deel aan die grootste staking in ons land (en die wêreld) se geskiedenis, en sommer met ‘n splinter nuwe naam: Lock Down. Geen wonder ons siener, sien die mynhope verlate en die strate stil toe verskrikking ons oorval nie.
Kom ons kyk gou na die datums van die aankondiging en in werking stelling van die staking vir die wat kan begryp. Onthou die aankondiging wat al die vorige dag verwag is, is herhaaldelik uitgestel.
Aankondiging 23 Maart: 2X3=6 (1X ses)
Inwerkingtreding 26 Maart om 24:00 2X6 (2X sesse) (Nie Vrydag oggend 27 Maart om 0:00 nie)
3X6 of 666 laat sy hand bekend wees in die saak, hy het beslis niks goed in gedagte vir ons volk nie.
Senior bestuurder van groot myngroep op ons dorp stel my persoonlik in kennis dat ‘n nog hoër swart amptenaar van die myn hul vooraf van die Lockdown in kennis gestel het voordat dit afgekondig is. Die oggend na die Lockdown aankondiging word hul weer ingeroep en dieselfde swart ampenaar stel hul in kennis van ‘n verdere 90 dae Lockdown wat sal volg. Hierdie maand kry hul salaris maar vanaf volgende maand geen salaris.

As die volk nie rebeleer nie sal hul die massas tot honger dryf om te moor en plunder.

So ken die wêreld nie meer die God van ons volk nie maar in die komende maande en jare sal hul Hom leer ken. Ook ons volk sal Hom weer leer ken en laat die EER van verlossing aan Hom alleen gaan.

johann cronje

Kobus Scheepers,
Ja, Kobus ek stem volkome saam met jou laaste sin !
Yahweh is my God en my Heiland
יהוה הוא אלוהי ומושיעי
Exodus 3:15 – Toe sê God verder vir Moses: Dit moet jy aan die kinders van Israel meedeel “ Yahweh, die God van julle vaders, die God van Abraham, die God van Isak en die God van Jakob, het my na julle gestuur. Dit is “my Naam” vir ewig, en dit is My gedenknaam van geslag tot geslag”.
Exodus 20: 3 – Jy mag geen ander gode voor my aangesig hê nie.
Exodus 23:13 – En in alles wat Ek julle gesê het, moet julle jul in ag neem. En die naam van ander gode mag julle nie vermeld nie; dit mag uit jou mond nie gehoor word nie.

Jesaja 43:10-11 – “Júlle(Israel) is my getuies, spreek YAHWEH, en my kneg wat Ek uitverkies het, sodat julle kan weet en My kan glo en insien dat dit Ek is — voor My is geen God geformeer nie, en ná My sal daar geeneen wees nie. Ek, Ek is YAHWEH, en daar is “GEEN” Heiland buiten My nie”.

Jes 45: 5 – Ek is YAHWEH, en daar is “GEEN” ander nie; “BUITEN” My is daar “GEEN” God nie; Ek omgord jou (Israel), hoewel jy My nie geken het nie.

Jes 45:21 – 25 – Verkondig en bring voor, ja, laat hulle saam raad hou: Wie het dit van ouds af laat hoor, lank tevore dit verkondig? Is dit nie Ek, YAHWEH, nie? En buiten My is daar geen ander God nie: ’n regverdige en reddende God is daar buiten My nie. Wend julle tot My en laat julle red, alle eindes van die aarde! Want Ek is God, en daar is geen ander nie. Ek sweer by Myself; geregtigheid gaan uit my mond, ’n woord wat nie herroep word nie: dat voor My elke knie sal neerbuig, by My elke tong sal sweer. Hulle sal van My sê: Alleen in YAHWEH is volle geregtigheid en sterkte; na Hom sal hulle kom; maar hulle almal sal beskaamd staan wat op Hom toornig is.

johann cronje

Kobus Scheepers,

Jes 49:24-26 – Kan ‘n soldaat se buit afgeneem word? Sal ‘n gevangene sommer vrygelaat word as hy onder bewaking van ‘n betroubare persoon is? So sê YAHWEH: ‘n Soldaat se gevangene kan ontset word, selfs ‘n man met baie mag se buit kan afgeneem word. Ek is ‘n vyand van jou vyand en Ek sal jou kinders red. Ek sal jou verdrukkers hulle eie vleis laat eet, hulle sal van hulle eie bloed so dronk word soos van wyn. Dan sal al wat leef, besef dat Ek YAHWEH, jou Redder en jou Verlosser is, die magtige God van Jakob.

36
0
Would love your thoughts, please comment.x
()
x