Die verloop van Roger Teale se profesie

Die video van Roger Teale se boodskap aan Suid-Afrika wat ek enkele dae gelede op Youtube gepubliseer het, is nie meer op Google se soekenjin beskikbaar nie. En my onderskrif wat ek saam met die viddeo geplaas het, word nou deur verskeie onderkruipkers misbruik om vals video-snitte op die Google-soekenjin te plaas wat hoegenaamd niks met Teale se profetiese waarskuwing te doen het nie.

Een van die vals video-snitte

Maar die video is nog steeds op Youtube beskikbaar. En om daarna te kyk, maak die Google-soekenjin oop, tik die woord ‘Youtube’ en druk dan Enter. Op die lys wat oopmaak, klik op die woord ‘Youtube’ heel bo-aan. Youtube se webblad verskyn en in die “search” ruimte tik “Roger Teale se profesie vir SA” (maar sonder die aanhalingstekens).

Dat ons volksgenote in hierdie ‘donker’ tyd ’n groot behoefte het aan ’n profetiese boodskap wat vir hulle moed, troos, koers en rigting kan gee, word bewys deur die feit dat byna 1 700 mense binne drie dae reeds daarna gekyk het.

Om daardie rede en ook omdat dit moontlik weer verwyder kan word, het ek besluit om so volledig moontlik en ook in diepte na Teale se dringende waarskuwing vir ons te kyk, en ook om sekere belangrike punte uit te lig waarvan ons notisie moet neem, want, soos Roger Teale tereg self sê, hierdie boodskap is net bedoel vir diegene na wie hy as die ‘regverdiges’ verwys.

Sommer met die intrapslag van sy boodskap aan Suid-Afrika waarsku hy dat ons land ’n krisistyd beleef  en ook dat daar ’n ‘gees van vrees’ deur die land trek. (Is dit nie dalk die eweknie van Siener se ‘gees van verskrikking’ nie?)

Teale beklemtoon dit uitdruklik dat hy hier net van één vrees praat (die coronavirus?) wat in daardie tyd deur die land sal trek. En sovêr ek kon vasstel, was daar laas in 1918 met die Groot Griep so ’n oorweldigende ‘gees van vrees’ wat letterlik van die ganse wêreld besit geneem het.

Verder sê hy: “Ek waarsku julle vooraf, want om vooraf gewaarsku te word, is om vooraf gereed te wees.” (Het Siener dit nie ook bevestig toe hy gesê het “vir dié wat (vooraf) wéét wat gaan gebeur, sal dit nie so erg wees nie”?)

Teale erken self hy was glad nie van plan om na Suid-Afrika toe te kom nie, en sê prontuit sy koms hierheen was nie uit vrye wil nie: “Daar is (van Bo) aan my opdrag gegee om te kom, dog ek was nie entoesiasties nie en ook glad nie daarvoor lus nie. (Miskien omdat hy ook, soos baie ander, gedink het Suid-Afrika gaan na afloop van die ’94 verkiesing ‘n tyd van rus en vrede tegemoet). Maar toe druk God met sy vinger op my hart en sê: ‘Jy sál gaan!’

“En hier is ek nou! … En dit wat ek aan julle gaan vertel, sal ewigheidswaarde vir die bestemming van julle land hê.”  (Wat presies het hy bedoel met ‘bestemming’ en ‘ewigheidswaarde’? Is dit nie dalk dieselfde ‘bestemming’ en ‘ewigheidswaarde’ waarvan Siener gepraat het nie? — ’n land wat ons weer ons eie kan noem en waarin ons weer, soos vantevore, die skape van Sy weide sal wees?)

In verband met die komende krisistyd het hy gesê: “Daar sal twee vure in die land brand. Vure van verwoesting, maar ook vure van herlewing.” (Dit was ook Siener van Rensburg se voorspelling: “God gaan die skroef aandraai en aandraai (die vure aanblaas), totdat julle op jul knieë weer na Hom terugkeer”.)

Teale doen dan ’n beroep op die ‘regverdiges’ in die land wat in daardie tyd wanneer die dinge gaan gebeur, hier sál wees, om voorbidding vir die land te doen, voorbidding dat die land gespaar moet word, dat ons kinders, ons familie en ons geliefdes gespaar moet word, gespaar word van die “geweld wat sál uitbreek”. (Siener weer het ’n emmer bloed wat omval as simbool van hierdie geweld gesien).

Maar by al die onheile wat hy vir die land voorspel het, het Teale ook vir die ‘regverdiges’ ’n woord van bemoediging gegee: “Moenie vrees nie, want Hy wat in julle is, is groter as hy wat in die wêreld is. Julle moet sterk wees en vashou aan die beloftes van God, én aan die profesieë wat oor julle uitgespreek is.” (Het hy dalk hier onwetend na Siener van Rensburg en Johanna Brandt se gesigte en visioene verwys?).

Tekens vir die tyd van onheil

In sy boodskap het hy vir ons vyf belangrike tekens gegee en dinge genoem wat in die tyd van vrees en benoudheid gaan plaasvind:

  • Eerstens het hy gesê die rand sal gedevalueer word. (Dit is bewaarheid, want toe hy in 1994 sy boodskap gebring het, was een dollar gelyk aan R3.42, vandag kos ’n dollar R17.60. Teale was dus reg).
  • Tweedens het hy gesê dat ons in daardie tyd in ons huise sal moet bly. (Ook dit is bewaarheid, want ons is op hierdie oomblik ingeperk in ons huise).
  • Derdens het hy bloed in die strate sien loop, asook menselewens wat vertrap word. (Dit moet nog realiseer).
  • Vierdens het hy voorspel dat die lughawens gesluit sal wees. (Nasionale Intelligensie het my destyds uitgelag en gesê: “Dit sal nooit gebeur nie!” Vandag beleef ons dit.
  • En laastens het hy nie net gesê hier gaan geweld uitbreek nie, maar hy het ook vir ons die datum gegee: April/Mei. (Ook dit is nog hangende en wag op vervulling).

Omdat drie van die gebeurlikhede wat hy voorspel het, reeds plaasgevind het, behoort daar geen twyfel te wees dat die vierde en vyde ook gaan plaasvind nie (geweld wat uitbreek en bloed wat in die strate loop).

Kom ons kyk nou na ’n moontlike scenario van hoe dinge vorentoe kan uitspeel:

Die ANC-regering se drie weke van inperking eindig op 16 April, maar daar is reeds aanduidinge dat dit verleng gaan word. Ons verneem dat die mynwerkers nog hierdie maand betaling sal ontvang, maar nie einde April nie. En sou dit gebeur, kan dit wees dat die geweld wat Roger Teale gesien het, in die laaste dae van April uitbreek en oorloop tot in Meimaand.

Kenneth Meshoe

Siener se visioen van ’n doodskis wat in die grond afsak en vure (geweld) wat daarna uitslaan, het nou skielik ook ’n nuwe betekenis gekry, want:

Die ACDP-lid Kenneth Meshoe en ’n kollega is pas positief vir die COVID-19-virus getoets nadat hulle ’n kerkdiens bygewoon het saam met 100 mense waaronder besmette buitelandse besoekers was. Meshoe het later self erken dat hy na afloop van die kerkdiens samesprekens met Cyril Ramaphosa gevoer het.

Sou dit gebeur dat die 67-jarige Ramapohosa COVID-19 opdoen en hy dit nie oorleef nie, kan Siener se doodskis-profesie dalk bewaarheid word en kan daar ook bloed in die strate loop…

SIENER VAN RENSBURG

Lorem ipsum dolor sit amet consectetur adipiscing elit dolor

RAAD VIR KWALE

Vir slegs R120

Die verborge boeke van Eden
Openbaringe van Paulus & Petrus
Die Boek van die Opregte

R370

R470