(Hierdie boek is ’n verkorte weergawe van Robert Hayes se opspraakwekkende publikasie “Suid-Afrika – oorkant die riviere van Kus” wat in die tagtigerjare verskyn het)
Dit handel oor die een volk wat God vir Hom bo al die ander nasies uitverkies het, en wat van daardie dag af deur al die ander nasies gehaat, vervolg en vertrap word. Daar is selfs probeer om hom uit te
wis. Volgens die profete Sefanja en Jesaja sal hierdie volk hom in die laaste dae aan die suidpunt van Suid-Afrika bevind en in groot benoudheid verkeer.
Sefanja beskryf dit as ’n “dag van grimmigheid, ‘n dag van benoudheid en angs, ‘n dag van woestheid en verwoesting, ‘n dag van duisternis en donkerheid.” Hulle wat nog altyd die kop was, sal dan die stert wees en gedienstig die knie voor hul vyande buig wat in hordes die land binnegestroom het om alles wat oor eeue heen met kundigheid en vernuf opgerig en tot stand gebring is, te plunder, af te breek en te verwoes.
Op aandrang van die kerk het pres. P.W. Botha hierdie boek in 1987 verbied. Maar in ’n gesprek met Adriaan Snyman in 1993 het mnr. Botha gesê dat as hy toe geweet het wat hy vandag weet, sou hy nooit die boek verbied het nie.
