Hierdie is die geskiedenis van die verdeling van die dae van die wet en van die Getuienis, van die gebeure volgens hulle jaarweke en hulle jubeljaar, deur al die jare van die wêreld, soos wat God met Moses gespreek het op berg Sinaï, toe hy opgegaan het om die Tafels met die wet en die gebooie te ontvang, in ooreenstemming met die bevel van God, toe Hy aan hom gesê het: Klimop die top van die berg (Ex 24:12).
In die jare 1947-1956 is daar altesaam 15 Hebreeuse Jubilee-perkament- rolle in vyf verskillende grotte by Qumran gevind, wat ’n aanduiding is van die belangrikheid van die Jubilee-geskrifte by die Qumran-gemeenskap. James VanderKam se vertaling van die Etiopiese teks, wat hier gebruik word, word beskou as die mees betroubare en korrekte vertaling.
Die Boek van Jubilee vertel in diepte die verhaal vanaf Adam en Eva tot waar Israel die land Kanaän bereik – dit skets duidelik die ontwikkeling van Israel tot ’n volk en die betekenis van die Jubeljaarfeeste gedurende Israel se swerftog deur die woestyn.
