Bloed, Sweet en Trane is die buitengewone verhaal van die Voortrekkers soos nog nooit tevore vertel nie. Hierdie monumentale werk bied ’n vars, realistiese blik op die Groot Trek en die stryd van ’n volk teen die aanslae van Britse imperialisme, filantropiese humanisme en die wrede realiteite van donker Afrika. Van die vroeë 1800’s tot by die anneksasie van Natal, ontvou die verhaal van hoe die Voortrekkers – mans, vroue en kinders – hul lewens gewaag het om hul vryheid en identiteit te behou.
Wat hierdie boek werklik uniek maak, is dat dit nie slegs ’n oppervlakkige hervertelling van die geskiedenis is nie. Dit is ’n diepgaande kroniek, saamgestel uit sowat 100 oorspronklike bronne: dagboeke, briewe en geskrifte van die Voortrekkers self – eerstehandse getuienisse van dié wat die veldslae, die honger, siektes en groot opofferings oorleef het. Die leser kry ’n intieme blik op die werklike mense agter die legendariese figure, soos Sarel Cilliers, Hendrik Potgieter en Hans Dons, wat deur geloof, durf en vasberadenheid, hulle volk gelei het deur die onbekende binneland.
Die boek is ryklik toegerus met waardevolle kaarte, insiggewende foto’s van ou Trekkers en hul laers, en detail-beskrywings van sleutelmomente soos die Slag van Bloedrivier en talle ander gewigtige veldslae teen die Matabeles en die Zulus. Dit is ’n verhaal van oorlewing, stryd en roeping, gekombineer met ’n skerp analise van die botsing tussen Europese pioniersgees en die uitdagings van ’n ontstuimige suidpunt van Afrika.
Bloed, Sweet en Trane is ’n onmisbare toevoeging tot enige boekrak wat waarde heg aan die behoud van ons volk se erfenis en geskiedenis. Dit is ’n huldeblyk aan die ongebreidelde gees van ons Voortrekker-voorouers en bied nie net aan die nageslag ’n herwaardering van hul wortels nie, maar stel ook die breër publiek bekend aan een van die mees merkwaardige migrasies in wêreldgeskiedenis.
Vir enige volsgenoot, jonk of oud, wat sy geskiedenis met trots wil herontdek, is hierdie boek ’n kosbare skat. ’n Lewendige herinnering aan die moed, geloof en selfopoffering van ’n volk wat bereid was om alles prys te gee vir vryheid.
