Blaas die Basuin

ISBN: 978-1-919728-70-8

Skrywer: Adriaan Snyman

R140.00

Description

Adriaan Snyman het vroeër vanjaar sy argiefmateriaal oor Siener se gesigte weer deurgewerk, en op ‘n verskeidenheid visioene, verklarings, briewe en ander dokumentasie afgekom wat nie in sy vorige boeke opgeneem is nie — gesigte waarvan die werklike betekenis eers onlangs duidelik geword het.

In hierdie nuwe boek herbevestig Nicolaas van Rensburg hom nie net as godsman en profeet nie, maar gee hy as ‘t ware ook vir ons ‘n ooggetuie verslag van die onmiddellike en toekomstige gebeure wat besig is om in Suid-Afrika en in die res van die wêreld af te speel:

  • Die skeuring van die ANC
  • Swart op swart geweld
  • ‘n Wêreldwye depressie
  • Amerika sluk Engeland ekonomies in

Vir Siener se nasate (die ‘getroue Afrikaners’) is daar egter ook goeie nuus. Die einde van hulle onderlinge twis en verdeeldheid is in sig, en die begin van die Derde Republiek lê om die draai. Die boek verstrek ook antwoorde op vrae soos, waarom is daar so ‘n noue verbintenis tussen die Duitse volk en die Boere? Gaan die Kaapse skiereiland afskeur en onder die see verdwyn? Wat gaan die impak wees as daar iets drasties by Koeberg skeefloop? En, wanneer gaan klaas weer baas word?

Siener – Blaas die Basuin, sal u soms aangryp, soms ontroer, soms verbyster, en aan die einde met vreugde en blydskap laat — ‘n boek wat gelees móét word

Additional information

Weight 192 g