Adriaan Snyman, Annelize Morgan, Stephanie Meiring en De Wet le Roux het saamgespan om ‘n kursus op te stel vir die aspirantskrywer. Dit bevat al hulle gesamentlike kennis oor die skryfkuns en is propvol waardevolle inligting en wenke.
Dit bevat ook die volledige lys van die moontlike temas van verhale. Of ‘n mens dit wil glo of nie, daar is net 36 temas waaroor ‘n mens kan skryf en hulle is almal in die kursus opgeneem.
Die kursus vertel u ook presies hoe en waar om te begin, waarvoor om versigtig te wees, wat om weg te laat en wat om in die verhaal in te skryf om dit geloofbaar en aanvaarbaar te maak.
Daar is ook volledige lesings oor hoe om ‘n karakter te skep en deur die verloop van die verhaal te ontwikkel en wat die slaggate is wat ‘n mens moet vermy.
Die kursus neem die student stap vir stap deur die hele proses van die skryf van ‘n roman of kortverhaal. As u dit werklik noukeurig volg en u het ‘n goeie storie, behoort u te slaag. |
